Toshkent shahar hokimligi matbuot xizmatining bildirishicha, Lotte City Hotel Tashkent Palace buzilishi bo‘yicha ma’lumotlar rad etilgan. Turizm va madaniy meros bosh boshqarmasi hamda mehmonxona ma’muriyati fuqarolardan rasmiy manbalarga tayanish va tekshirilmagan xabarlarni tarqatmaslikni so‘ragan.
Mehmonxona 1958 yilda qurilgan bo‘lib, 1,14 gektar maydon va 24 300 kvadrat metr maydonni egallaydi. 232 ta xonasi mavjud bo‘lgan binoning arxitektura qiyofasi investor kelishuvi bilan saqlanishi kerak. Qurilish, ta’mirlash yoki rekonstruksiya ishlari faqat Qurilish vazirligi va Madaniy meros agentligi bilan kelishilgach amalga oshiriladi.
Mehmonxona 2024 yil noyabrda "Alfa invest" sug‘urta kompaniyasiga 20 million dollarga sotilgan va xususiylashtirish jarayonida Davaktiv agentligi, KPMG va Deloitte kompaniyalari jalb qilingan.
