Ramazon hayiti namozining o‘qilish vaqtlari viloyatlar kesimida quyidagicha:
Andijon, Farg‘ona, Namangan — 06:40
Toshkent shahar va Toshkent viloyati — 06:50
Sirdaryo — 06:55
Jizzax va Samarqand — 07:00
Navoiy, Buxoro, Qashqadaryo, Surxondaryo — 07:05
Xorazm — 07:25
Qoraqalpog‘iston Respublikasi — 07:30
Shuningdek, 18 mart kuni O‘zbekiston Prezidenti qarori bilan joriy yilda Ramazon hayiti 20 mart kuni bayram sifatida keng nishonlanishi tasdiqlandi.
Hayit kunida Qoraqalpog‘iston, viloyatlar va Toshkent shahar hokimliklari, Din ishlari bo‘yicha qo‘mita hamda boshqa tashkilotlar hamkorlikda xalqni milliy an’ana va urf-odatlarga muvofiq bayram kunida birdamlik va bag‘rikenglik muhitida madaniy-ma’rifiy va xayriya tadbirlari bilan ta’minlaydi.
Turizm qo‘mitasi va Transport vazirligi aholi uchun ziyoratgohlar va tarixiy qadamjolarga qulay sharoitlar yaratish hamda ziyoratlarni tashkil qilish bo‘yicha chora-tadbirlarni amalga oshiradi.
