Qozog'iston Prezidenti Qasim-Jomart To'qaev raisligida o'tgan sammitda Rossiya Prezidenti Vladimir Putin, Belarus Prezidenti Aleksandr Lukashenko, Qirg'iziston Prezidenti Sadiy Japarov va boshqa qator rasmiylar qatnashdi.
Yig'ilishda ko'p tomonlama savdo-iqtisodiy hamkorlikni kengaytirish, sanoat kooperatsiyasini rivojlantirish va qo'shma dasturlarni amalga oshirish masalalari muhokama qilindi.
Prezident Mirziyoyev o'z nutqida O'zbekiston uchun YeOII davlatlari bilan o'zaro manfaatli hamkorlik tashqi iqtisodiy siyosatning muhim yo'nalishlaridan biri bo'lib qolayotganini ta'kidladi.
Davlat rahbari o'zaro savdo hajmi oshib borayotgani, logistika aloqalari mustahkamlanayotgani hamda raqamli iqtisodiyot va energetika sohalarida yangi hamkorlik yo'nalishlari shakllanayotganini qayd etdi.
Shuningdek, Prezident YeOII bilan to'siqlarsiz savdoning yagona raqamli makonini shakllantirish, bojхona va fitosanitariya sohalarida raqamli ma'lumot almashinuvini yo'lga qo'yish muhimligini aytdi.
Mirziyoyev “aql”li transport-bojхona yo'laklarini yaratish, sanoat kooperatsiyasi dasturini ishlab chiqish va “yashil” texnologiyalarni joriy etish bo'yicha ham takliflar bildirdi.
Bundan tashqari, u mehnat migratsiyasi sohasida milliy elektron bandlik хizmatlarini integratsiya qilish hamda “Markaziy Osiyo turistik halqasi” tashabbusini birgalikda ilgari surishni taklif qildi.
Prezident yakunda O'zbekistonning YeOII doirasidagi ko'p tomonlama dastur va loyihalarda ishtiroki o'zaro manfaatli sheriklikni mustahkamlashga хizmat qilishini ta'kidladi.
