Ta'kidlanishicha, kimyo mahsulotlari importi oshib, yiliga 4,5 milliard dollarni tashkil etmoqda. Shuningdek, mahalliy ishlab chiqaruvchilar ichki talabning hatto 60 foizini ham qoplay olmayapti.
Yig'ilishda mavjud imkoniyatlardan samarali foydalanilmayotgani, kimyo sanoatida bir ishchiga to'g'ri keladigan qo'shilgan qiymat boshqa davlatlarga nisbatan 2–3 baravar kamligi ham qayd etildi.
Prezident “O'zkimyosanoat” AJ asosan o'z tizimidagi yirik korxonalar bilan ishlayotgani, sohadagi 5 mingdan ortiq korxona bilan tizimli muloqot va ularning muammo hamda takliflarini o'rganish ishlari sustligi uchun tanqid qildi.
Shu bois davlat rahbari kimyo sanoati korxonalari vakillari bilan shaxsan uchrashib, sohadagi dolzarb masalalarni muhokama qilishga qaror qilganini ma'lum qildi.
