Kecha, 2 iyun kuni O‘zbekiston Prezidenti Administratsiyasi rahbari Saida Mirziyoyeva Yevropada xavfsizlik va hamkorlik tashkiloti (EXHT) Bosh kotibi Feridun Sinirliog‘li bilan uchrashdi. Bu haqda Mirziyoyeva o‘zining Telegram-kanalida ma’lum qildi.
Qayd etilishicha, suhbat avvalida Feridun Sinirliog‘li O‘zbekistonga yaqinda amalga oshirgan tashrifi hamda Prezident Shavkat Mirziyoyev bilan bo‘lib o‘tgan uchrashuvini iliq taassurotlar bilan yodga olgan. Shuningdek, u EXHT O‘zbekiston tomonidan ilgari surilayotgan tashabbuslarni qo‘llab-quvvatlashga tayyor ekanini bildirgan.
Uchrashuv davomida transmilliy tahdidlarga qarshi kurashish, raqamli texnologiyalar va sun’iy intellekt sohasidagi hamkorlik, yoshlar manfaatlarini himoya qilish, gender tengligini ta’minlash hamda sud-huquq tizimidagi islohotlar masalalari muhokama qilingan.
Tomonlar mazkur yo‘nalishlardagi hamkorlik istiqbollari yuzasidan fikr almashib, o‘zaro muloqotni yanada kengaytirish muhimligini qayd etgan.
