Jahongir Mirzo taxallusi bilan ijod qilgan yosh shoir va yozuvchi, O‘zbekiston jurnalistika va ommaviy kommunikatsiyalar universiteti talabasi Jahongir Nomozov o‘z uyida o‘lik holda topildi. Bu haqda Bosh prokuratura matbuot kotibi Hayot Shamsutdinov Darakchi.uz’ga ma’lum qildi.
Ma’lum qilinishicha, hodisa 15 aprel kuni Namangan viloyati Pop tumanida sodir bo‘lgan. Dastlabki ma’lumotlarga ko‘ra, u ruhiy holatidagi o‘zgarishlar sabab o‘z harakatlarini anglay olmasdan, yashash xonadonida o‘z joniga qasd qilgan.
Sud-tibbiy ekspertiza xulosasiga ko‘ra, o‘lim sababi bo‘yin sohasining sirtmoqda qisilishi natijasida yuzaga kelgan mexanik asfiksiya ekani aniqlangan. Tanasida boshqa jarohatlar qayd etilmagan.
Hozirda usbu holat yuzasidan prokuratura tomonidan tekshiruv ishlari olib borilmoqda.
