O‘zbekiston prezidenti Shavkat Mirziyoyev Qozog‘iston prezidenti Qosim-Jomart To‘qayevga maktub yo‘llab, mamlakatning yangilangan parlamenti — Qurultoyga saylovlar muvaffaqiyatli o‘tkazilgani bilan tabrikladi.
Mirziyoyev ushbu saylovlar Qozog‘iston siyosiy tizimini takomillashtirish, davlat boshqaruvi samaradorligini oshirish va parlament rolini kuchaytirishda yangi bosqichni boshlab berganini ta’kidladi.
Prezident saylovlarda fuqarolarning faol ishtiroki mamlakatda amalga oshirilayotgan konstitutsiyaviy va ijtimoiy-siyosiy islohotlarga jamoatchilikning keng qo‘llab-quvvatlovidan dalolat berishini qayd etdi.
Shuningdek, O‘zbekiston va Qozog‘iston parlamentlari o‘rtasidagi hamkorlikni strategik sheriklik va ittifoqchilik munosabatlari ruhida yanada rivojlantirish muhimligi ta’kidlandi.
