03.12.2013 16:31

«Angren» industrial zonasi rasmiy saytiga ega bo`ldi

«Angren» maxsus industrial zonasining rasmiy sayti ishga tushdi.

Mazkur industrial hudud haqidagi xabar va yangiliklar haqida endi [url=http://sizangren.uz/]www.sizangren.uz saytidan topish mumkin.

Saytni ishlab chiqishda O`zbekiston Tashqi iqtisodiy aloqalar, investisiyalar va savdo vazirligi va BMT Taraqqiyot dasturining «O`zbekistonga investisiyalar jalb etish va tashqi savdoni rivojlantirishga ko`mak» loyihasi tomonidan yordam ko`rsatilgan.

«Angren» MIZ saytida uning infratuzilmasi, axborot markazi, fotogalereyalari, shuningdek, mazkur hududda ayni vaqtda amalga oshirilayotgan loyihalar ro`yxati bilan tanishish imkoni mavjud. Sayt o`zbek, rus va inliz tillarida faoliyat olib boradi.

«Angren» industrial zonasi 2012 yilning aprelida O`zbekiston Prezidenti Farmoniga ko`ra Toshkent viloyatining Angren shahrida tashkil etilgan.

Zona faoliyati 30 yilga mo`ljallangan bo`lib, u keyinchalik yana uzaytirilishi mumkin.