20 may kuni Navoiy viloyatining Xatirchi tumanida oilaviy janjal o`limga sabab bo`ldi. Bu haqda Ichki ishlar vazirligi Jamoatchilik va ommaviy axborot vositalari bilan aloqalar boshqarmasi xabar berdi.
Xabarda qayd qilinishicha, fuqaro T.U. mast holda uyig kelgan va janjal chiqargan. Oilaviy janjal oqibatida u turmush o`rtog`i M.E. ismli ayolning boshi va tanasining turli joylariga tayoq bilan urib jarohat etkazgan.
Natijada M.E. voqea joyida vafot etgan. T.U. qo`lga olingan.
