2018 yilning 31 iyul kuni Toshkent shahri Olmazor tumani Go`zarboshi mahallasidagi xonadonlardan birida kechki mahal aka-ukalar o`rtasida janjal kelib chiqadi.
Oila a`zolaridan biri kelishmovchilik oqibatida yuzaga kelgan janjalni to`xtatish fikrida Toshkent shahar IIBB ga xabar qiladi.
Voqea joyiga zudlik bilan etib kelgan 3-batalon 1-otryad safdori Ehsonov janjalning oldini olishga harakat qiladi.
Ukasi bilan olishayotgan Farid vajohatini safdor Ehsonovga ko`rsatib, qo`lidagi oshxona pichog`ini unga otib yuboradi. Natijada pichoq safdorning o`ng yuz yanoq sohasi va o`ng elka kamarining orqa yuzasini sanchib, kesib ketadi.
Qonun oldida javob berayotgan Farid bu qilmishiga ichkilik sabab bo`lganini va afsusda ekanligini aytdi.
Olmazor tuman prokurorining katta yordamchisi, sudlanuvchiga 2013 yilda 2 yilga ahloq tuzatish ishlari, 2016 yilda esa 3 yil ozodlikdan cheklash jazosi tayinlanganiga qaramay qayta jinoyat sodir etganligini uchun jazosi og`irlashishiga
sabab bo`lishini aytdi.
Jinoyat ishlari bo`yicha Olmazor tuman sudi sudyasi ichki ishlar xodimiga jahorat
etkazgani uchun sudlanuvchiga jazo tayinlashda, ilgari bo`yicha o`talmay qolgan
jazoni qisman qo`shish va qamoq ehtiyot chorasini o`zgarishsiz qoldirish bo`yicha hukmni
e`lon qildi.
Sudlanuvchiga uzil kesil 3 yil 1 oy muddatga ozodlikdan mahrum qilish jazosi tayinlandi.