Shu yil 5 noyabr kuni noma`lum shaxs Toshkent shahrining Olmozor tumanida joylashgan Respublika Patologik anatomiya Markazi olididagi avtoturargohdan E.J.ga tegishli, qarovsiz qoldirilgan “Kobalt” rusumli avtomashinani haydab qochgan.
Ko`rilgan choralar natijasida ushbu jinoyatni Yakkasaroy tumani Qushbegi dahasida yashovchi S.S. sodir etganligi aniqlanib, ushlandi. U olib qochgan avtomashina esa Toshkent viloyati Chirchiq shahridan texnik soz holda topilib, o`z egasiga qaytarildi.
O`zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabariga ko`ra, holat yuzasidan jinoyat ishi qo`zg`atilib, tergov harakatlari olib borilmoqda.
