2019 yil 14 yanvar kuni Qoraqalpog`iston Respublikasining Nukus shahri Qizketken mahallasida yashovchi R.Sh., T.Eshanov ko`chasida joylashgan restoran oldida B.A. tomonidan qarovsiz qoldirilgan “Damas” rusumli avtomashinani haydab qochib, P.Seytov ko`chasida boshqaruvni eplay olmay avtomashinani ag`darib yuborgan.
O`zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar berishicha, ko`rilgan choralar natijasida R.Sh. qo`lga olingan.
Holat yuzasidan jinoyat ishi qo`zg`atilib, tergov harakatlari olib borilmoqda.