2019 yil 17 yanvar kuni Toshkent shahrining Yashnobod tuman IIBga tushgan hujjatlar to`plamiga ko`ra, 2018 yil 18 may kuni Toshkent viloyati Zangiota tumani Hamza ko`chasida yashovchi U.Z. ismli fuqaro Yashnobod tumanida yashovchi R.X. ismli shaxsga biznes bilan shug`ullanishni taklif qilgan.
IIV Jamoatchilik va ommaviy axborot vositalari bilan aloqalar boshqarmasi xabar berishicha, keyinroq u R.X.ga «Samira Ziyo Nur» MChJ ta`sischilari tarkibiga kiritilganligi haqidagi qalbaki ma`lumotnomani ko`rsatish orqali undan 35 500 AQSh dollarini olib, pullarni o`z ehtiyojlari yo`lida ishlatib yuborgan.
Holat yuzasidan jinoyat ishi qo`zg`atilib, U.Z. qo`lga olingan. Tergov harakatlari olib borilmoqda.
