Departamentning Jarqo`rg`on tuman bo`limi xodimlari va tuman IIB bilan hamkorlikda o`tkazilgan tadbirda, Farg`ona viloyati Beshariq tumanida yashovchi fuqaro D.B. o`zining shaxsini yashirib, fuqaro M.ga tegishli pasport nusxasi bilan joriy yilning 26 yanvarda Surxondaryo viloyati Jarqo`rg`on tumanida tug`ruqxonaga joylashib, shu kuni qiz farzandli bo`lib, 03.02.2019 yilda qiz farzandini fuqaro S.ga 3,5 mln. so`mga sotib ketayotgan vaqtida ushlangan.
Bu haqda Bosh prokuratura matbuot xizmati xabar berdi.
Mazkur holat yuzasidan D.B.ga nisbatan O`zbekiston Respublikasi Jinoyat kodeksining tegishli moddalari bilan jinoyat ishi qo`zg`atilib, tergov harakatlari olib borilmoqda.
