Avval xabar berganimizdek, ayni paytda Oliy Majlis Qonunchilik palatasida O`zbekiston Respublikasi Prezidenti Shavkat Mirziyoev ishtirokida Qonunchilik palatasining birinchi yig`ilishi bo`lib o`tmoqda.
Dastavval, Oliy Majlis Qonunchilik Palatasi Spikeri va uning o`rinbosarlari saylab olindi.
Shundan so`ng O`zbekiston Respublikasi Prezidenti Shavkat Mirziyoevning Parlamentga murojaati eshitildi.
Deputatlar so`zga chiqdi.
Tadbirda Davlat rahbari deputatalardan: "Tayyorgarliksiz biror takliflar bo`lsa aytinglar, bo`lmasa xozir spiker yig`ilishni yopadi, keling, hech qanday rasmiy nutqsiz o`tirgan o`rningizdan erkin muloqot qilamiz, menga qanday taklif yoki savollaringiz bor?" — deya taklif bildirdi.
Deputatlar Shavkat Mirziyoevning so`ngi uch yilda qilgan ishlari va islohotlariga alohida urg`u berib, agar lozim topilsa davlat rahbariga alohida bir unvon berilishini taklif qildilar. Prezident ushbu taklifga javoban:
"Xalq menga eng katta unvonni berib bo`lgan, shuning o`zi menga etarli. Zero, bu unvon uncha-buncha insonga nasib etmaydigan unvondir", — deya taklif uchun rahmat aytdi.
