Дунё бўйича биринчи рўйхатга олинган коронавирус инфекциясига қарши биринчи вакцина “Спутник V” деб номланди. Бу биринчи сунъий йўлдошнинг аналогига ўхшайди, деб хабар берилган дори веб-сайтида.
“1957 йилда СССР томонидан биринчи космик сунъий йўлдош муваффақиятли ишга туширилиши бутун дунё бўйлаб космик тадқиқотларни кучайтирганди”, дейилади хабарда.
Ушбу сайт Россия вакцинаси ҳақида батафсил ва долзарб маълумотларни тарқатиш, шунингдек, баъзи халқаро оммавий ахборот воситаларида дори тўғрисидаги нотўғри кампанияга қарши курашиш учун яратилганлиги таъкидланган.
Бундан ташқари, хабарда дунёда ишлаб чиқилаётган бошқа вакциналар ҳақида маълумот берилган. Гап вирусли векторли вакциналар ва вируслар, нуклеин кислоталари ҳамда оқсиллар асосида яратилган препаратлар ҳақида бормоқда. “Спутник V” вакцинаси аденовирус вектор асосида яратилганлиги аниқланган. Умуман олганда, дунёда коронавирус инфекциясига қарши 165 га яқин турли хил дорилар ишлаб чиқилмоқда.
