20 ёшли украиналик теннисчи қиз 40 ёшли америкалик рақибасини мусобақадан чиқариб юборди

Украиналик теннисчи Даяна Ястремская Нью-Йоркдаги мусобақанинг илк даврасида америкалик Винус Уильямсга қарши кортга чиқди.

2 соат 36 дақиқа давом этган ўйинда 20 ёшли Ястремская 40 ёшли рақибасини 5:7, 6:2, 7:5 ҳисобларида мағлуб этди ва иккинчи даврага йўл олди. Бу ҳақда Оламспорт хабар берди.

Энди у иккинчи босқичда америкалик бошқа бир теннисчи Бернарда Перага қарши ўйин ўтказади.