Ўзбекистонга Чой импорт қилиш 3,3 млн. АҚШ долларига камайган. Бу ҳақда статистика қўмитаси маълум қилди.
Жорий йилнинг 1 сентябрь ҳолатига Ўзбекистонга жами 22 та хорижий давлатдан қиймати 26,7 млн. АҚШ долларига тенг бўлган 20,2 минг тонна чой импорт қилинган. Ўтган йилнинг мос даври билан солиштирилганда импорт ҳажми 416,2 тоннага камайган.
Давлат статистика қўмитаси маълумотларига кўра, ўтган саккиз ой мобайнида Ўзбекистон чой маҳсулотини энг кўп импорт қилган давлатлар:
Хитой – 16,1 минг тонна
Кения – 1,6 минг тонна
Вьетнам – 920,4 тонна
Эрон – 369,1 тонна
Шри-Ланка – 280,9 тонна
Ҳиндистон – 267,3 тонна
Россия – 173 тонна
БАА – 130 тонна
Маълумот ўрнида, 2019 йилда Ўзбекистонда 23,5 минг тонна чой ишлаб чиқарилган.
