Қирғизистон собиқ президенти Алмазбек Атамбоев қўлга олинди. Бу ҳақда мамлакат хавфсизлик қўмитасига таяниб Sputnik Қирғизистон хабар бермоқда.
Хабарда айтилишича, у Бишкекда оммавий тартибсизликлар уюштириш бўйича жиноят иши доирасида қўлга олинган.
Атамбоев билан биргаликда унинг собиқ тансоқчилари Дамир Мусакеев ва Канат Сагинбаевлар ҳам ҳибсга олингани айтилмоқда.
Давлат хавфсизлик қўмитасининг маълумот беришича, тартибсизликларнинг бошқа иштирокчиларини қўлга олиш ишлари олиб борилмоқда.
