АҚШ президенти Дональд Трамп оқ уйнинг зангори зали балконидан омма олдига чиқиб, кўриниш берди. Бу унинг коронавирус беморлари шифохонасидан чиққан илк куни эди. Ўзининг айтишича унда энди Covid-19 йўқ, яъни инфекцияга қарши унда иммунитет ҳосил бўлган, энди атрофдагилар учун хавф туғдирмайди. У душанба куни Флорида штатидаги тарафдорлари олдида чиқиш қилишга ваъда берди. Бу ҳақда расмий манбаларга таяниб ria.ru хабар бермоқда.
"Мен юқори технологияларга асосланган тест синовларини топширдим ва жуда ажойиб жисмоний ҳолатдаман. Ўзимни ўта яхши ҳис қиляпман. Чиндан ҳам шундай. Мен ўзимда "иммунитет" номли ҳимоя қавати пайдо бўлганини ҳам ҳис қиляпман. Ўйлайманки, ҳар бир инсон айнан шундай иммунитетга эга бўлиши керак", - деди у Fox News каналига берган интервьюсида.
Трампнинг даволовчи шифокори Шон Конлининг маълум қилишича, америкалик лидернинг таҳлиллари яхши чиққан. Трамп энди бемор эмас.
Аммо унинг Оқ уйдан кўриниш берган видеосини таҳлил қилган айрим ОАВ манбалари Трамп қийналиб нафас олаётганини қайд этмоқда...
