“Тошшаҳартрансхизмат” АЖ Бошқаруви раисининг биринчи ўринбосари А.Абдуллаев иштирокида йиғилиш бўлиб ўтди. Бу ҳақда жамият матбуот хизмати маълум қилди.
Раис ўринбосари жамиятнинг масофадан туриб мониторинг қилиш тизимида узилишлар ёки мазкур тизимда хатоликлар кўпаяётганганлигини таъкидлади.
Бунинг асосий омили сифатида, Автобусларга ўрнатилган GPS трекерлар тўлиқ ишламаслиги ёки бўлмасам ҳайдовчилар томонидан йўналишга чиқиш жараёнида GPS трекерларга жисмоний зарар етказиш кузатилаётганлигини кескин танқид қилди.
Бундай ҳолатларни олдини олиш ва йўловчиларга қулайликлар яратиш мақсадида, ҳар бир Автобус саройи кесимида, GPS операторлар томонидан, ҳар бир автобусни йўналишга чиқаришдан олдин диагностика қилиб чиқариш, шунингдек, ҳар бир Оператор ҳар куни йўналишга чиққан ҳолда, GPS трекерга жисмоний зарар етказган ҳайдовчиларни аниқлаб, уларга нисбатан кескин чора кўриш бўйича Жамият раҳбарига таклиф киритиш зарурлигини билдириб ўтди, Бу борада, GPS оператори томонидан ишлар жудаям суст олиб борилаётганлиги танқид қилди.
Бугундан бошлаб, барча Операторлар йўналишда текширувга жалб қилинишини қайд этди.
Шу билан бирга, текширув жараёнида, йўналишда юрган автобусларни GPS трекерга жисмоний зарар етказилган ҳолати ёки унинг антенна мосламаси узилганлик ҳолати аниқланганда, шу ернинг ўзида далолатнома тузиб, ушбу ҳайдовчи нисбатан кескин чора кўриш бўйича Жамият раҳбарига Билдиришнома расмийлаштириб, ҳайдовчини эса, Автобусни Шоҳ бекатига етгандан сўнг, йўналишдан ечиш чорасини кўриш ва унинг ўрнига бошқа ҳайдовчини жалб қилиш зарурлигини билдириб ўтди, дейилади хабарда.
Албатта, барча фуқаролар қатори биз ҳам тизимдаги ўзгаришларнинг самарасини кутиб қоламиз. Фото:
