“Ўзбеккино” Миллий агентлиги буюртмасига биноан “Ёшлар ижодий-тажриба студияси” ДУК томонидан “Кичкина катта одам” қисқа метражли фильмининг тасвирга олиш ишлари ниҳоясига етди.
Сценарий муаллифи Комила Абдужабборова, постановкачи режиссёр Роман Грубляк, постановкачи оператор Шаҳло Раҳимова, овоз режиссёри Малик Рўзибоев, постановкачи рассом Александра Ефименко, гафер Иван Харитонов, картина директори Шариф Қосимбоев.
Фильмда бош қаҳрамоннинг оилавий муаммолар туфайли қийинчиликларга учраши акс эттирилган. Яна кўнгилсизликлар сабаб ёғочдан қайиқ ясаш билан шуғулланиб юрган бола севимли машғулотидан воз кечиб, катта ҳаётга қадам қўйиши каби воқеалар ҳақида ҳикоя қилинади.
“Кичкина катта одам” қисқа метражли фильмида Абдуллоҳ Садриддинов, Екатерина Казачкова, Феруз Баҳодиров, Икром Муллажонов, Тимур Каримов, Адель Асфина каби актёрлар роль ижро этишган.
