"Питер Пен ва Алисия мўъжизалар мамлакатида" (Қайтиш) фильмининг суратга олиш ишлари икки йил олдин тугаганлигига қарамай намойиш этилмаётган эди. Сабаби шу вақт ичида Бренд Чепман томонидан суратга олинган ушбу янги филм пост-продюссерликда бўлган. Ниҳоят, томошабинлар фильмни баҳолашлари мумкин: 4 декабр куни унинг премераси Буюк Британияда бўлиб ўтади.
Яқинлашиб келаётган премера арафасида, фильм яратувчилари Aнжелина Жоли иштирокидаги айрим кадрларни бўлишишди. 45 ёшли актриса Юраклар маликаси ролини ижро этган.
Анжелина Жоли ёвуз ва унутилмас қиёфада намоён бўлади. Қизиғи шундаки, фильмда актриса бир вақтнинг ўзида бир нечта ролларни ижро этган: нафақат Юраклар маликаси, балки Питер Пен ва Алисиянинг онаси (кино ценарийсига кўра Питер Пен ва Алисия ака-сингил) сифатида ҳам Жоли намоён бўлади.
Актриса янги картинанинг энг ёвуз қаҳрамони образида мутлақо ўзгача кўриниш касб этди: унинг сочлари ёрқин малла, бадани ниҳоятда оқ. Анжелинанинг кинодаги даҳшатли қиёфасини кўкрагига ёйилган ёрқин қизил доғли оқ либос тўлдиради.
Маълумот учун, таниқли режиссёр Чапманнинг ушбу янги фильмида бирданига икки филм - "Алисия мўъжизалар мамлакатида" ва "Питер Пен" картиналари бирлаштирилган. Алисия ва Питернинг роллари ёш қора танли актёрлар - Кира Чанс ва Жордан A.Нашга насиб этди. Уларнинг ота-оналари ролини эса Жоли ва Девид Оелово гавдалантирган.
Премераси кутилаётган ушбу киноасар Лос-Aнжелесда суратга олинган.
