Давлат статистика қўмитаси анъанавий равишда июл ойида дефляцияни қайд этди.
Маълум қилинишча, июл ойида товарлар ва хизматлар ўртача 0,2 фоизга арзонлашди. 2021-йил бошидан эса улар 4,2 фоизга қимматлади.
Ушбу ҳолат, асосан, мавсумий омил ҳамда мева ва сабзавотлар нархи арзонлашгани билан тавсифланади. Ундан аввалги йилларда ҳам шундай бўлган: 2020- йилнинг июл ойида товарлар ва хизматлар ой давомида ўртача 0,3 фоизга, 2019- йилда эса 0,4 фоизга арзонлашган.
Озиқ-овқат маҳсулотлари 0,9 фоизга арзонлади, ноозиқ-овқат маҳсулотлар 0,5 фоизга, хизматлар эса 0,2 фоизга қимматлади. Марказий банк 2021-йилда инфляция 10 фоиз атрофида бўлишини прогноз қилганди. Ҳозирча бу тахмин ўзини оқламоқда.
