Англиялик ММА жангчиси Майкл Пейдж UFC Fight Night 287 турнири доирасида ўзбекистонлик Нурсултан Рўзибоевга қарши жанг қилиб, ҳакамларнинг якдил қарори билан ғалаба қозонди.
Франциянинг Париж шаҳрида ўтказилган жанг ўрта вазн тоифасида бўлиб ўтди. Уч раундга мўлжалланган баҳс давомида жангчилар ғалаба учун кураш олиб борди. Якунда ҳакамлар бир овоздан Пейжнинг қўли баланд бўлишини белгилади.
Мазкур ғалаба Майкл Пейж учун профессионал ММА фаолиятидаги 26-ғалаба бўлди. Унинг UFCдаги статистикаси эса 6-1 кўринишига келди.
Нурсултан Рўзибоев ушбу жангда фаолиятидаги 10-мағлубиятини қабул қилди. Ўзбекистонлик жангчининг UFCдаги рекорди 5-2 кўринишига ўзгарди.
Рўзибоев Пейжга қарши жангга қадар UFCда кетма-кет учта ғалабани қўлга киритган эди. У аввалги жангларида ҳам ўрта вазн тоифасида октагонга чиққан.
Шу тариқа Париждаги баҳс Рўзибоев учун ғалабали сериянинг тўхташи билан якунланди. Пейж эса навбатдаги ғалабаси орқали UFCдаги натижасини яхшилади.
