Танзила Нарбаева: Жаҳон парламентлари аёл раҳбарларининг навбатдаги 14-саммити Ўзбекистонда бўлиб ўтади

ЖАМИЯТ 07.09.2021, 16:49
Теглар: Сенат
Танзила Нарбаева: Жаҳон парламентлари аёл раҳбарларининг навбатдаги 14-саммити Ўзбекистонда бўлиб ўтади

2021 йил 6 сентябрда Ўзбекистон Республикаси Олий Мажлиси Сенати Раиси Танзила Нарбаева бошчилигидаги мамлакатимиз делегацияси Венада Австрия Республикаси Парламенти ва Бирлашган Миллатлар Ташкилоти билан ҳамкорликда ташкил этилган Парламентлараро иттифоққа аъзо давлатлар парламентлари аёл раҳбарлари саммитида иштирок этди. Бу ҳақда Ўзбекистон Республикаси Олий Мажлиси Сенатининг Ахборот хизмати хабар берди.

Унда пандемия оқибатларини бартараф этиш ва мамлакатларни пандемиядан сўнг тиклашда аёлларнинг иштирок этиши масалалари муҳокама қилинди ҳамда долзарб масалаларга парламентнинг самарали таъсир чоралари кўриб чиқилди.

Саммит иштирокчиларига Ўзбекистонда гендер тенглик соҳасида амалга оширилаётган ислоҳотлар ҳақида батафсил маълумот берилди.

Ўзбекистоннинг пандемиядан кейинги даврдаги устувор йўналишларидан бири сифатида хотин-қизларнинг эътиборини иқтисодий рағбатларга қаратиб, уларнинг соҳадаги иштирокини қўллаб-қувватлаш ва рағбатлантириш, уларга грантлар, кредитлар ажратиш, шунингдек, қизлар, аёлларни ўқитиш ва касб-ҳунарларга ўргатиш бўйича тажрибага алоҳида эътибор қаратилди.

Шунингдек, республикада хотин-қизларнинг сиёсий фаоллигини ошириш борасидаги ишлар қайд этилди.

Парламентлар аёл раҳбарларининг навбатдаги 14-саммитини 2022 йилда Ўзбекистонда ўтказиш тўғрисида келишувга эришилди.

Дунё мамлакатлари парламентлари аёл раҳбарлари иштирокида бундай юқори даражадаги тадбир мамлакатимиз ва умуман минтақада илк маротаба ташкил этилади.

Саммитни Ўзбекистонда ўтказиш юзасидан қабул қилинган ушбу қарор – бу жаҳон ҳамжамияти томонидан Ўзбекистоннинг парламентаризмни ривожлантириш борасидаги натижалари, гендер сиёсатидаги сезиларли ютуқлар, шунингдек, жамиятни демократлаштириш йўлида амалга оширилаётган туб ислоҳотлар муваффақиятларининг эътирофидир.

Шарҳлар

Ўзбекистонда гўдаклар ўлими кўпайган — Сенат

29.09.2022, 09:18

Олий Мажлис Сенати Кенгаши мажлисида Репродуктив саломатликни сақлаш, оналик ва болаликни муҳофаза қилиш бўйича амалга оширилаётган ишлар ҳолатини ўрганиш масаласи муҳокама қилинди, дея хабар бермоқда...
Жўқорғи Кенгес раиси Аманбай Оринбаев Сенат раисига ўринбосар этиб сайланди

13.09.2022, 10:47

Бугун, 13 сентябрь куни, Тошкент шаҳрида Сенатнинг мажлислар залида Ўзбекистон Республикаси Олий Мажлиси Сенатининг ўттиз иккинчи ялпи мажлиси ўз ишини бошлади. Бу ҳақда Сенат ахборот...
"Сенат „ади-бади“ айтишиб ўтирадиган жой эмас". Беҳзод Мусаев ва Акмал Бурхонов ўртасида дебат бўлиб кетди. Сенат раиси баҳсга аралашди (видео)

05.08.2022, 12:03

Сенатнинг 29-ялпи мажлисида Коррупцияга қарши курашиш агентлиги директори Акмал Бурхонов Ўзбекистонда коррупцияга қарши курашиш тўғрисидаги миллий маърузаси баҳс-мунозарага айланиб кетди.Агентлик раҳбарининг сўзларига кўра, коррупцияга оид...
Сенат ялпи мажлисида Уй-жой кодекси маъқулланмади

04.08.2022, 12:04

Сенатнинг йигирма тўққизинчи ялпи мажлисида Ўзбекистон Республикасининг Уй-жой кодекси муҳокама қилинди, дея хабар бермоқда Сенат матбуот хизмати.Муҳокамалар давомида сенаторлар Кодексда айрим нормаларни қўллаш механизмлари етарлича...
Об-ҳаво: Тошкент
+-1.03° tumanli
Валюта курси
11228.08
USD 24.95
11723.24
EUR 119.04
183.66
RUB -0.25
1