“Ньюкасл”нинг собиқ ҳужумчиси Алан Ширер клубнинг халқаро элчиси лавозимини эгаллаши кутилмоқда. Бу ҳақда таниқли инсайдер Никола Скира маълумот берди.
Саудия Арабистони инвестицион жамғармаси аллақачон 51 ёшли Ширер билан музокараларга киришган. Тез орада томонлар келишувга эришиши кутилмоқда.
Маълумот учун, Алан Ширер 1996-2006 йилларда футболчи сифатида “Ньюкасл” сафида тўп сурган. 405та учрашувда 206 маротаба тўп киритган.
