АҚШ Президенти Дональд Трамп UFC раҳбари Дана Уайтга Оқ уй матбуот котиби лавозимини таклиф қилди. Шунингдек, у мазкур лавозимда ишлаши учун Уайтга бир қатор машҳур аралаш яккакураш усталарини ёрдамчи сифатида жалб этишни таклиф қилган. Бу ҳақда Трамп ўзининг Truth Social ижтимоий тармоғидаги саҳифасида ёзди.
Трамп ўз мурожаатида Дана Уайтни «шафқатсиз жангчи ва ҳақиқий курашчи» деб атаган ҳамда унга АҚШ матбуот котиби лавозимини таклиф қилганини билдирган.
«Буюк Дана Уайтга Қўшма Штатлар матбуот котиби лавозимини таклиф қилганимни мамнуният билан эълон қиламан. Дана, илтимос, таклифимни қабул қилинг!» — деб ёзган АҚШ президенти.
Шунингдек, Трамп Уайтдан мазкур лавозимни қабул қилган тақдирда, Ислом Махачев, Ҳабиб Нурмагомедов, Жастин Гэтжи, Даниэль Кормье, Аманда Нуньес ва Кайла Харрисонни ўз жамоасига ёрдамчи сифатида жалб этишни сўраган.
«Уларнинг айримлари мамлакатимиз фуқароси бўлмаса-да, бизга ақлдан озган сўлчилардан ҳимоя қила оладиган шундай инсонлар керак», — дея қўшимча қилган Трамп.
Ҳозирча Дана Уайт мазкур таклифга розилик билдиргани йўқ. У 7 ноябрь куни Лондондаги матбуот анжуманида Трамп билан 9 ноябрь, душанба куни Вашингтонда учрашишини айтган. Ушбу учрашувдан кейин таклиф бўйича қўшимча маълумот беришини билдирган.
Таъкидлаш жоиз, Дана Уайт Дональд Трампнинг яқин тарафдорларидан бири ҳисобланади. Улар ўртасидаги муносабатлар кўп йиллик тарихга эга.
