"Барселона" Европа лигаси чорак финал жавоб ўйини доирасидаги "Айнтрахт"га қарши ўйинда чипта сотувидан қанча даромад кўрганини маълум қилди.
Бу ҳақда клуб вице-президенти Елена Форт қуйидагиларни маълум қилиб ўтди.
"Ўйинга чиқарилган чипталар сотувидан қарийб уч миллион евро ишлаб олдик. Лекин шу уч миллион евро сабаб ўзимизни ҳозирча ёмон ҳис қилмоқдамиз. Тўғриси, ўйиндаги воқеаллар учун ўзимизни айбдор ҳис қиляпмиз. Германиялик мухлислар бунчалик кўп чиптани қай тариқа сотиб олганини билмаймиз.
Буни кўриб чиқишни режалаштирмоқдамиз. Тез орада барчасига ойдинлик киритамиз", - деди Форт.
Маълумот учун, ўйин куни стадионда 20-30 минг атрофида германиялик мухлислар бўлган. Натижада, "Барселона"нинг аксарият ишқибозлари бунга норозилик сабаб стадионни барвақт тарк этишган.
