Financial Times таҳлилчилари ҳисоб-китобларига кўра, Евроиттифоқнинг Россия газ ва нефтидан воз кечиши ҳамда муқобил энергия манбаларига ўтиши учун 195 миллиард доллар зарур. Zamon.uz' бу ҳақда ёзмоқда.
Қайд этилишича, кейинги беш йилда энергия истеъмоли босқичма-босқич қисқартирилиши керак. Еврокомиссия томонидан ишлаб чиқилган дастурга кўра, бу каби чоралар натижасида 2030 йилга келиб ЕИда истеъмол қилинаётган энергиянинг 45 фоизи “яшил энергетика” ҳисобига тўғри келади.
ЕК яшил водород, биометан ва қуёш батареяларидан фойдаланишни кўпайтирмоқчи. Ушбу ҳужжат расман 18 май куни эълон қилиниши айтилади.
