“Google” компанияси кенгайтирилган реаллик кўзойнакларини таржимон ва хариталар билан синовдан ўтказишни бошлади, дея хабар бермоқда “Zamon.uz” нашри.
Маълум қилинишича, ушбу қурилма менюларни таржима қилиш ва “А” нуқтадан “Б нуқтага” ўтиш имконини беради. У фото ва видео суратга олишни қўллаб-қувватламайди, аммо тасвир маълумотлари менюни таржима қилиш ёки энг яқин манзилга йўналтириш каби хусусиятларни ёқиш учун ишлатилади.
“Ушбу тадқиқот прототиплари оддий кўзойнакларга ўхшайди. У линзали дисплей, микрофон ва камера каби аудиовизуал сенсорларга эга”, — дея маълумот берган компания.
