Бугун, 9 август куни Озарбайжон Республикаси Президенти Илҳом Алиев Туркия Республикаси Президентининг таклифига биноан амалий ташриф билан Туркияга келди.
Озарбайжон ахборот агентлиги хабарига кўра, давлат раҳбари шарафига икки мамлакат давлат байроқлари ҳилпираётган Конья аэропортида фахрий қоровул саф тортди.
Президент Илҳом Алиев ва биринчи хоним Меҳрибон Алиева Туркия ёшлар ва Спорт вазири, Конья шаҳри ҳокими ва бошқа расмийлар томонидан кутиб олингани айтилади.
