Туркия ҳукумати зилзила ва унинг оқибатлари ҳақидаги шубҳали хабарларни текшириш ва сохталарига қарши курашиш хизматини ишга туширди. Бу ҳақда республика президенти маъмуриятининг алоқа бўлими раҳбари Фахреттин Алтунга таяниб, “Анадолу” агентлиги хабар берган.
"Одамларнинг фойдаланиши учун ёлғон хабарлар ҳақида маълум қилувчи сервис ишга туширилди. Сиз иловани телефонингизга юклаб олишингиз ва ҳалокатли зилзила ҳақида уйдирилган ва тарқалган шубҳали ёки ёлғон хабарлар ҳақида хабар беришингиз мумкин", - деди Алтун.
