Бироқ у келишув Россия ва унинг халқи учун мақбул шартлар асосида бўлиши кераклигини таъкидлади. Бу ҳақда “Zamon.uz” хабар берди.
Путин бу ҳақда Валдай халқаро мунозара клубининг ялпи мажлисида гапирди.
“Биз ушбу музокараларни бошлашга ва уларни имкон қадар тезроқ якунлашга тайёрмиз, бироқ Россия Федерацияси ва халқимиз учун мақбул шартлар асосида”, — деди Россия президенти.
Путиннинг қайд этишича, музокаралар давомида қарорлар Украина ҳудудидаги вазият ва амалдаги воқеликлардан келиб чиқиб қабул қилиниши керак.
Россия президенти Москва тинчлик келишувига эришиш бўйича билдирилаётган барча таклифларни кўриб чиқишга тайёрлигини айтди. Бироқ у Россия учун мақбул шартлар асосий мезон бўлиб қолишини таъкидлади.
Шу билан бирга, Путин Украина томонини ҳарбий ҳаракатларни тўхтатишга интилмаётганликда айблади. Унинг сўзларига кўра, Россия парламент сайловлари кунлари Украина томонидан Москва ва айрим сайлов участкаларига ҳужумлар уюштирилган.
Путин ушбу ҳужумлардан кейин Россия қандай жавоб беришини ўйлаб кўришини айтди. У Киев “жавобни ҳис қилиши” кераклигини билдирди.
Айни пайтда Украина бўйича дипломатик ташаббуслар давом этмоқда. 25 сентябрь куни Reuters АҚШ Россия, Украина ва АҚШ иштирокида уч томонлама учрашув ўтказишни таклиф қилгани ҳақида хабар берган эди.
