Кеча, 4 июль куни Ҳиндистоннинг Нагаланд штатида кучли ёмғир пайтида содир бўлган тош кўчкисида катта тош бир нечта машинанинг устига қулади. Бу ҳақда “India Today” хабар берди.
Қайд этилишича, штатнинг Коҳима-Димапур миллий автомагистралида кўчки оқибатида бир нечта тошлар учта машинанинг устига қулаган. Ҳодиса оқибатида камида икки киши ҳалок бўлган, яна уч киши киши жароҳатланган. Жароҳат олганлар ҳозирда Димапурдаги шифохонада даволанмоқда.
Воқеа акс этган видеодан кўриш мумкинки, тоғдан қулаган тош бирин-кетин иккита автомобилни эзиб ўтган. Яна бир тош бошқа машинага урилган. Жабрланганлар Коҳимага кетаётган бўлган. Бахтсиз ҳодиса уларнинг орқа томонидаги машина камерасига тушиб қолган.
Полиция воқеадан бир неча соат ўтганидан сўнг ҳам машинада қолиб кетган бир нафар одамни қутқариш ишларини олиб борган.
