Келгуси 7 йилликда банк ва молия тизимида йиллик кредитлаш ҳажми 40 миллиард долларга етказилиб, банк омонатлари ҳажми 4 баробарга оширилади. Бу ҳақда Олий Мажлис Қонунчилик палатаси депутати Мавлуда АДХАМЖОНОВА хабар бермоқда.
Депутатнинг маълум қилишича, ушбу муддатда кредит фоизлари 10-12 фоизгача туширилади. Шу билан бирга, камида 3 та тижорат банкларида Ислом молияси мезон ва тартиблари жорий этилиб, банкларни хусусийлаштириш ва давлат ихтиёрида 3-4 та банкни сақлаб қолиш, банк бозорига камида 4 та йирик нуфузли чет эл банкларини жалб қилиш кўзда тутилган.
