Маълум қилинишича, хорижлик инвесторлар учун дастлабки 50 та лот белгиланган. Уларнинг жойлашуви, лойиҳа имкониятлари, иқтисодий ҳисоб-китоблари ва янги имтиёзларни ўз ичига олган таклифлар пакети хорижий давлатлардаги элчиларга етказилади.
Шунингдек, Ўзбекистоннинг хориждаги дипломатик ваколатхоналарига чет эллик сармоядорларни Янги Тошкентдаги инвестиция имкониятлари билан кенгроқ таништириш вазифаси юклатилди.
Вазирлар ҳар бир учрашувда хорижий ҳамкорлар ва йирик компанияларга Янги Тошкент имкониятларини тақдим этиб, уларни қўшма лойиҳаларни амалга оширишга таклиф қилиши керак.
Президент эълон қилинган имкониятлар қоғозда қолиб кетмаслиги, инвесторларга ер участкалари, иқтисодий ҳисоб-китоблар ва амалга ошириш муддатлари кўрсатилган тайёр таклифлар тақдим этилиши зарурлигини таъкидлади.
