Адахан Мадумаров ҳибсга олиниб, эҳтиёт чорасини танлаш учун Бишкекнинг Первомай туман судига олиб кетилди. Бу ҳақда “Спутник Қирғизистон” хабар қилмоқда.
2009 йилда Хавфсизлик Кенгаши котиби бўлган Мадумаров учта модда билан айбланмоқда. Хусусан, ҳокимиятни зўравонлик билан эгаллаб олишга тайёргарлик кўриш, оммавий тартибсизликлар уюштиришга тайёргарлик ва мансаб ваколатини суиистеъмол қилиш.
Аввалроқ Бош прокурор Мадумаровни жиноий жавобгарликка тортиш учун парламентдан розилик сўраган эди. Бунга Парламент рози бўлган.
2009 йилда Мадумаров имзолаган протоколга кўра, қирғиз томони Торт-Кочонинг баҳсли участкасини тожик томондан 49 йилга ижарага олган. Қирғизистон бу ҳужжатни тан олмайди.
