Жанубий Кореяда ўзбекистонлик мигрант ёнғин ичида қолган аёлни қутқарди.
Жанубий Кореянинг Янгсан шаҳрида кекса эр-хотин томонидан бошқариладиган ошхонада кучли ёнғин юз берган.
Тез ёйилган ёнғин ичида қолиб кетган 69 ёшли аёлни қўшни хонадонда яшовчи 40 ёшли Ўзбекистон фуқароси ёнғин ичига кириб, қутқариб чиққан.
Кекса аёл 2-даражали куйиш жароҳати билан, унинг 70 ёшли эри эса олган жароҳатлари сабабли касалхонада даволанмоқда. Аёлни қутқарган ўзбекистонлик эса шиша синиғидан жароҳат олган ва воқеа жойида унга биринчи тез тиббий ёрдам кўрсатилган.
