Бугун, 30 сентябр куни 4 нафар ўзбекистонлик боксчи Осиё ўйинлари доирасида рингга кўтарилди. Унда Токио-2020 Олимпиадаси чемпиони Баҳодир Жалолов Осиё ўйинларидаги иштирокини муваффақиятли бошлади.
Чорак финалдан баҳсларга қўшилган ҳамюртимиз тожикистонлик Муҳаммад Аброриддиновни катта устунлик билан доғда қолдирди.
Баҳодир Жалоловнинг кучли зарбаларидан кейин ҳакам 2-раундда баҳсни тўхтатди ва ҳамюртимизнинг ғалабасини қайд этди.
