Осиё ўйинларида ўзбекистонлик спортчига берилган олтин медал тортиб олинди

Ханчжоуда ўтаётган Осиё ўйинларининг каноэ слаломида эшкак эшиш  спорт тури бўйича Ўзбекистон терма жамоаси аъзоси Анвар Клевлеев бугунги кун ҳисобидан илк олтин медалини қўлга киритган эди. Спортчининг финалда қайд этган 98.63 сонияли натижасини ҳеч бир рақиб яхшилай олмади ва Клевлеев Осиё ўйинлари чемпионига айланди.

Бироқ якунда ҳакамлар хитойлик спортчининг балларини кўтариб қўйишди. Яъни, ҳакамлар хитойлик спортчини хато қилмаган деб ҳисоблашди ва у Анвардан олдинга ўтиб кетди. Ўзбекистон вакиллари эса бунга аппеляция беришган. Якуний натижани кутиб қоламиз…