Озарбайжон президенти Илҳом Алиев Тоғли Қорабоғ пойтахти – Ханкендида (Степанакерт) республика байроғини кўтарди. Бу ҳақда rbc ёзди.
Шунингдек, давлат раҳбари вилоятнинг бошқа аҳоли пунктлари Адгер (Мардакерт) шаҳри ва Шуша вилоятининг Малибейли қишлоғида бўлди. Президент Сарсанг сув омборида ҳам республика байроғини кўтарди.
Тахминан бир ой олдин Боку Қорабоғда "аксилтеррор операцияси" ўтказди, у 20 сентябрда ўт очишни тўхтатиш, Қорабоғ ҳарбий тузилмаларини қуролсизлантириш ва минтақани Озарбайжонга реинтеграция қилиш тўғрисидаги келишувнинг имзоланиши билан якунланди.
Алиев операция натижасида Озарбайжон суверенитетини тиклаганини билдирди.
