Санкт-Петербургда мигрантлар ўртасидаги муштлашувдан сўнг маҳаллий муассаса ишини тўхтатди.
Маълум қилинишича, кафеда дам олувчилар орасида ягона бўлган аёл учун жанжаллашган, кўп ўтмай можаро муштлашувга айланиб кетган.
Полициячилар келишмовчиликни тўхтатиш учун ўз вақтида етиб келган. Ҳуқуқ-тартибот идоралари ходимлари жами 12 нафар Ўзбекистон фуқаросини бўлимга олиб кетишган. Улар орасида можаро бошланган 11 эркак ва 34 ёшли аёл ҳам бор. Муштлашувдан сўнг икки фуқаро тиббий ёрдамга муҳтож бўлган.
Мазкур ҳолат юзасидан "Безорилик" моддаси бўйича жиноят иши қўзғатилган. Шунингдек, тергов давомида гумонланувчиларнинг бир нечтаси иммиграция қонунчилигини бузгани маълум бўлди. Улар маъмурий жавобгарликка тортилди.
