Исроилнинг фаластинликларга уюштирган ҳужумлари қурбонлари сони 5087 нафарга етди. Бу ҳақда Ғазо сектори Соғлиқни сақлаш вазирлиги ўзининг Телеграм-каналида маълум қилди.
Вазирлик маълумотларига кўра, ҳалок бўлганлар орасида 2055 нафар бола, 1119 нафар аёл ва 217 нафар кекса киши бор. Вазирликнинг қайд этишича, анклавга қилинган ҳужумлар натижасида 15 мингдан ортиқ одам жароҳатланган. Бошқарма, шунингдек, 57 нафар тиббиёт ходими ҳалок бўлгани ва 100 нафари яралангани ҳақида хабар берди.
Исроил томонида эса, уруш бошланганидан бери, яъни 7 октябрдан бери, сўнгги маълумотларга кўра, 1,4 минг киши ҳалок бўлган, 4,9 минг киши жароҳатланган.
