АҚШда йирик ЙТҲ юз берди. Кўприкда қалин туман туфайли 158 та машина тўқнашиб кетди. Камида етти киши ҳалок бўлди, 25 киши касалхонага ётқизилди, дея хабар бермоқда Zamon.uz.
Тўқнашув вақтида машиналардан бири кўприкдан дарёга қулаб кетган, бироқ ҳайдовчи қочишга муваффақ бўлган.
Йирик авария ботқоқликларнинг ёниши натижасида юзага келган қуюқ туман туфайли юз берган. Аввалроқ метеорологлар Янги Орлеан ғарбидаги ҳудудда “супер туман” борлиги ҳақида хабар берган эди. Бу нам ва тутунли шароитда ҳосил бўладиган қалин туман бўлиб, кўришни уч метргача қисқартириши мумкин.
Қурбонлар сони ортиши мумкин, чунки хавфсизлик хизматлари вайроналарни тозалашда давом этмоқда ва қулфланган машиналарда одамлар бўлиши мумкин.
