ФИФА 31 октябрга қадар мезбонлик учун аризаларни қабул қилди. Унга кўра, фақатгина Саудия Арабистони ЖЧ-2034 мезбонлиги учун расман ариза топширди. Шу тариқа, 2034 йилги мундиалга Саудия Арабистони мезбонлик қилиши маълум бўлди.
ФИФА президенти Жанни Инфантино ҳам ЖЧ-2034 Саудия Арабистонида ўтказилишини тасдиқлаб, ижтимоий тармоқларда бу ҳақда пост қолдирган.
”Футбол дунёни бирлаштиради”, - дея ёзади ФИФА президенти.
Маълумот учун, ЖЧ-2026 АҚШ, Канада ва Мексикада бўлиб ўтса, ЖЧ-2030 Уругвай, Парагвай, Аргентина, Марокаш, Испания ва Португалияда ўтказилиши маълум қилинганди.
