Британиялик боксчилар Энтони Жошуа ва Тайсон Фьюри Жаҳон бокс ассоциацияси (WBA)нинг супероғир вазн тоифасидаги чемпионлик камари учун жанг ўтказади. Жанг 11 декабрь куни Уэльснинг Кардифф шаҳрида бўлиб ўтиши режалаштирилган.
Бу ҳақда “The Ring” нашри хабар берди.
Жорий йил июнь ойи охирида украиналик Александр Усик WBA Super чемпионлик камаридан воз кечган эди. Усик фаолияти давомида Жошуа ва Фьюрини икки мартадан мағлуб этган.
Усикнинг камардан воз кечишидан сўнг россиялик Мурат Гассиев WBAнинг супероғир вазн тоифасидаги чемпионлик камарига эга бўлган. Ҳозирда Гассиев WBA расмий сайтида жаҳон чемпиони сифатида кўрсатилган.
Маълумот учун, Тайсон Фьюри 2015–2016 йилларда мутлақ жаҳон чемпиони бўлган. Шунингдек, у 2020–2024 йилларда WBC камари соҳиби ҳисобланган.
