Доғистоннинг Махачқалъа шаҳрида сувнинг керакли миқдорда хлорланмаганлиги оқибатида шаҳар аҳолиси оммавий тарзда заҳарланди, деб хабар берди “Vesti.ru” нашри.
Нашрнинг маълум қилишича, ёғингарчилик туфайли Миатлин сув чиқариш иншоатини сув босган. Ҳозирда заҳарланиш туфайли 360 нафар одам касалхонага ётқизилди. Шаҳарда аҳолини ифлос сувдан ҳимоя қилиш чора-тадбирлари кўрилди. Оммавий заҳарланиш факти бўйича жиноят иши қўзғатилди.
