Исроил мудофаа кучлари матбуот котиби Даниел Ҳагарий Фаластиннинг Хамас ҳаракати Ғазо сектори шимолидаги назоратни йўқотганини маълум қилди, деб ёзадиThe Times of Israel.
“Биз 50 000 ғазоликларнинг чизиқнинг шимолий қисмидан жанубга кўчиб ўтганини кўрдик. Улар ҲАМАС секторнинг шимолий қисми устидан назоратни йўқотиб қўйганини, жанубда эса хавфсизроқ ва тинчроқ, сув, озиқ-овқат ва дори-дармон олишлари мумкин бўлганини тушунишлари учун ҳаракат қилмоқдалар”, — деди Ҳагарий брифингда.
"Биз Ғазо шаҳрига ҳужумни чуқурлаштиришда ва фуқаролик объектлари ёнидаги туннель шафталарини блокировка қилишда давом этамиз", - дея қўшимча қилди у.
Унинг таъкидлашича, ўт очишни тўхтатиш режаси йўқ, аммо Исроил армияси тинч аҳоли эвакуация қилишлари учун "гуманитар паузаларни" жорий қилмоқда. Аввалроқ Исроил мудофаа вазири Ёав Галлант ХАМАС етакчиси Яҳё Синвар ўз бункерида қуршаб олингани ҳақида маълум қилганди, деб хабар бермоқда Sky News.
Исроилнинг қуруқликдаги кучлари 27 октябрь куни кечқурун Ғазо секторига кирди. 31 октябрь куни Исроил бош вазири Бинямин Нетаняху урушнинг учинчи босқичига – Ғазо секторига қуруқликдан киришни кенгайтиришга ўтишни эълон қилди. Айни пайтда, Исроил бош вазири маслаҳатчиси Марк Регевнинг сўзларига кўра, Ғазо секторининг жанубида, ҲАМАС инфратузилмаси мавжуд бўлмаган жойда дала касалхоналари жойлашган “махсус гуманитар ҳудуд” яратилмоқда.
