Араб давлатлари лигаси (ЛАС) ва Ислом ҳамкорлик ташкилоти (ИҲТ) давлатлари Ғазо секторидаги можарода Исроилни айблади. Бу ҳақда Араб Лигаси ва ИҲТ мамлакатлари қўшма саммитининг якуний резолюцияси лойиҳасида айтилган.
“Биз Исроилнинг Ғазо секторига бўлган тажовузини қоралаймиз ва анклавдаги уруш ўзини-ўзи мудофаа сифатида таснифланиши мумкинлигини инкор қиламиз. Биз Ғазодаги уруш учун ҳеч қандай оқланишни қабул қилмаймиз. Биз ҳозирги можаро учун Исроил томонини тўлиқ жавобгар деб ҳисоблаймиз”, — дейилади таклиф қилинган резолюциядан парчада.
Араб Лигаси ва ИҲТ давлатлари халқаро ҳамжамиятдан Ғазо секторидаги ҳарбий жиноятларни тергов қилишни талаб қилади. Улар, шунингдек, Фаластин анклавидаги вазият бўйича халқаро тинчлик конференцияси ўтказишга чақирмоқда.
Араб Лигаси ва ИҲТ давлатлари ҳам фаластинликларни қўллаб-қувватлаш учун молиявий хавфсизлик тизимини яратиш бўйича келишувга эришган.
